ایودھیا معاملے میں سپریم کورٹ سے فائنل فیصلہ آئے ابھی ایک ہفتہ ہی گزرا ہے۔یہ معاملہ اب ایک بار پھر سپریم کورٹ کی دہلیز پر جا سکتا ہے۔ذرائع کے مطابق مسلم فریق اور آل انڈیا مسلم پرسنل لاء بورڈ ( اے آئی ایم پی ایل  بی )نے فیصلے کے خلاف نظر ثانی عرضی دائر کرنے کا فیصلہ کیا ہے۔لکھنؤ میں اس سلسلے آج ایک میٹنگ بلائی گئی ہے۔اگرچہ، میٹنگ شروع ہونے سے پہلے ہی تنازعہ ہو گیا ہے، جس کی وجہ سے میٹنگ کی جگہ بدل دی گئی ہے۔یہ میٹنگ لکھنؤ کے ندوہ کالج میں رکھی گئی تھی۔

آل انڈیا مجلس اتحاد المسلمین (اے آئی ایم آئی ایم ) کے سربراہ  اور آل انڈیا مسلم پرسنل لا ء بورڈ کے رکن اسد الدین اویسی سمیت باقی رکن میٹنگ کے لئے یہاں پہنچ گئے تھے۔لیکن اچانک میٹنگ کی جگہ تبدیل کرنے کا فیصلہ کیا گیا۔اب یہ میٹنگ ندوہ کالج کی جگہ ممتاز پی جی کالج میں رکھی گئی ہے۔
بتا دیں کہ لکھنؤ اور خاص طور پر یہاں ندوہ کالج میں میٹنگ کو لے کر سوال اٹھ رہے تھے کہ آخر یونیورسٹی میں اتنا بڑا سیاسی فیصلہ لینے کے لئے کیوں یہ میٹنگ ہو رہی ہے  ۔ کئی ارکان  اس بات پر بھی اعتراض جتا رہے تھے کہ جب ایک بار سپریم کورٹ نے فیصلہ لے لیا ہے تو پھر اس میٹنگ کا جواز کیا ہے۔

ایودھیا مسئلہ پر آئے کورٹ کے فیصلے کو لے کر آج یعنی اتوار کو لکھنؤ میں آل انڈیا مسلم پرسنل لا بورڈ کی میٹنگ ہے جس میں مسجد کے لئے 5 ایکڑ زمین  لینی ہے یا نہیں اس پر بحث بھی ہوگی۔ساتھ ہی اس معاملے پر نظر ثانی پٹیشن دائر کرنے کا باقاعدہ اعلان ہو سکتا ہے۔