نیشنل ڈیسک : ہریانہ میں اب بھارتیہ جنتار پارٹی  ( بھاجپا ) اور جن نائیک جنتا پارٹی ( جن نائیک پارٹی ) کی حکومت ہوگی ۔ اس نئی حکومت میں بھاجپا نے منوہر لال کھٹر ہی وزیر اعلیٰ ہوں گے ۔ جبکہ جن نائیک جنتا پارٹی سپریمو دشینت چوٹالہ کا ہریانہ کی نئی حکومت میں نائب وزیر اعلیٰ بننا طے ہوگیا ہے ۔ اس سے پہلے ان کی ماں نینا چوٹالہ کے نائب وزیر اعلیٰ بننے کی قیاس آرائیاں لگائی جارہی تھیں ۔ اس کے لئے ججپا کور کمیٹی کی میٹنگ میں غور و خوض بھی ہوا لیکن اب دشینت چوٹالہ کے نام پر مہر لگی ہے  اور کل یعنی دیوالی کے روز دوپہر حلف اٹھائیں گے ۔

والد سے ملنے کے بعد دشینت نے بھاجپا کو حمایت دینے کا اعلان کیا
بتا دیں کہ جمعہ کے روز دشینت چوٹالہ اپنے والد اجے چوٹالہ سے ملنے تہاڑ جیل  گئے اور ان سے اس مدعے پر بات چیت کی ۔ جس کے بعد دیر شام انہوں نے بھاجپا کو حمایت دینے کا اعلان کردیا ۔ اس کے بعد بھاجپا صدر امت شاہ نے جمعہ کی رات 9.30 بجے بھاجپا - ججپا  اتحاد کا اعلان کیا ۔