جالندھر(علی ): بھاجپا لیڈر  اور مسلم ڈویلپمنٹ بورڈ کے وائس چیئرمین وسیم راجہ نے کہا  اگلے سال حج پر جانے والے عازمین کی درخواستیں 10 اکتوبر سے 10 نومبر 2019  تک آن لائن بھری جائیں گی ۔ وسیم راجہ نے کہا کہ امسال  عازمین کے فارم بھرنے کا ٹائم جلد مقرر کیا گیا ہے تاکہ سبھی عازمین  کا ای ویزا تیار کیا جا سکے ۔ انہوں نے کہا کہ حج کیلئے درخواستیں موبائل ایپ کے ذریعہ بھی  دی جا سکتی ہے۔ 

وسیم راجہ  مرکزی اقلیتی امور کے کیبنٹ منتری مختار عباس نقوی سے ملاقات کر آج یہاں جانکاری دیتے ہوئے کہا کہ پچھلے کئی برسوں کے مقابلے اس مرتبہ تاریخی حج رہا  بغیر کسی سبسڈی کے 2 لاکھ (ریکارڈ تعداد میں) بھارتیوں نے فریضہ حج ادا کیا ۔ انہوں نے یہ بھی کہا کہ مختار عباس نقوی کی کوششوں سے امسال جی ایس ٹی 18 فیصد سے کم کرکے 5 فیصد کیاگیا جس سے عازمین کو 113 کروڑ روپے کی بچت ہوئی  وہیں  مدینہ میں رہائش میں بھی 100 سعودی ریال کی بچت کروائی گئی جس سے ہر حاجی کو 3 ہزار کا الگ سے فائدہ  ہوا جو کہ قابل تعریف ہے۔

 وسیم راجہ نے کہا کہ پہلی بار  یہاں کی مسلم مہلائیںبغیر کسی  محرم کے   2340  مہلائیں حج ادا کرنے گئیں  ۔ انہوں نے کہا کہ اقلیتی منتری مختار عباس نقوی  نے ملاقات میں مسلمانوں کی بھلائی کیلئے کئی سکیموں کی جانکاری دی ۔