نئی دہلی : چندریان 2- کے وکرم لینڈر کی ہارڈ لینڈنگ کے بعد اسرو کا اس سے رابطہ ٹوٹ گیا تھا جس سے سائنسدان بیحد مایوس ہوگئے تھے ۔ اس پر ملک ہی نہیں دنیا بھر کے لوگوں نے اسرو کے سائنسدانوں کی حوصلہ افزائی کی تھی اور ان کے کام کی تعریف کی تھی ۔ وہیں اب حکومت نے بتایا کہ کیوں چندریان 2- کے وکرم لینڈر کی ہارڈ لینڈنگ ہوگئی ۔ پی ایم او میں ریاستی وزیر  جتیندر سنگھ نے لوک سبھا میں ایک سوال کا تحریری جواب دیتے ہوئے کہا کہ چندریان 2 کے وکرم کی ہارڈ لینڈنگ اس لئے ہوئی کیونکہ اس کے اترنے کے دوران رفتار طے پیرامیٹر سے میچ نہیں کر پایا ۔ 

خلائی محکمہ کی ذمہ داری دیکھ رہے جتیندر سنگھ نے کہا کہ پہلے فیز کا نزول چاند سے 30 سے 7.4 کلو میٹر کی دوری پر کیا گیا اور اس وقت اس کی رفتار 1683میٹر سے کم ہو کر 146 میٹر فی سیکنڈ ہوگئی تھی ۔ انہوں نے بتایا کہ نزول کے دوسرے فیز کے دوران رفتار میں کمی پہلے ڈیزائن ویلیو سے بھی زیادہ تھی ۔ اس وجہ سے وکرم 500 میٹر کے دائرے میں ہارڈ لیڈ ہوا ۔ 

جتیندر سنگھ نے کہا کہ حالانکہ ٹیکنا لوجی کے باقی کے کمپونینٹ ، لانچ ، آربیٹر ، کریٹیکل منوور، لینڈر سیپرین ، ڈی - بوسٹ اور رف بریکنگ فیز  کامیاب رہے اور اس کا آربیٹر اچھے سے کام کررہا ہے اور اسرو کو چاند کی تصویریں بھیج رہا ہے ۔