گیجیٹ ڈیسک : اگر آپ اینڈرائیڈ سمارٹ فون کا استعمال کرتے ہیں تو یہ خبر آپ کیلئے بیحد خاص ہے ۔ گوگل اپنی سروسز کے ذریعے یوزر کے اینڈرائیڈ سمارٹ فون پر نظڑ بنائے ہوئے ہے ۔ اس میں کوئی دو رائے نہیں ہے کہ گوگل ہماری روز مرہ کی زندگی کی ضرورت بن گیا ہے لیکن آپ کو جان کر حیرانی ہوگی کہ گوگل اپنے صارفین کی ہر سرگرمی کو ٹریک کرتی ہے ۔
گوگل کو معلوم ہے کہ کب آپ کون سی ویب سائٹ پر گئے یا پھر آپنے آن لائن کیا خریدا ہے ۔ آج ہم آپ کو بتا ئیں گے کہ گوگل کی آپ کی کون کون سی سرگرمیوں تک رسائی ہے ۔
صارفین کی سرچ ہسٹری اکٹھا کرتی ہے گوگل
گوگل کروم ویب بروؤزر کے ذریعے اپنی ای میل آئی ڈی سائن ان کرنے کے بعد انٹرنیٹ پر جو بھی آپ سرچ کرتے ہیں گوگل اسے نوٹ کرتی ہے ۔ وہیں اگر آپ ایپس میں گوگل آئی ڈی سے لاگ ان کرتے ہیں تو اس میں آپ جو بھی کرتے ہیں اس کی بھی جانکاری گوگل کے پاس ہوتی ہے ۔
لوکیشن ہسٹری کے ڈاٹا تک رسائی
صارفین کی لوکیشن ہسٹری کے ڈاٹا تک بھی گوگل کی رسائی ہے ۔ یعنی گوگل کو یہ معلوم ہے کہ آپ کون سی تاریخ کو کتنے بجے اور کس جگہ پر تھے ۔ گوگل ان سبھی ڈیوائسس پر نظر رکھتی ہے جن میں گوگل اکاؤنٹ سے سائن ان کیا گیا ہو ۔
یوٹیوب ہسٹری
یوٹیوب کی بات کی جائے تو آپ کی سرچ ہسٹری اور واچ ہسٹری کی ساری ڈیٹیل گوگل کے پاس ہوتی ہے ۔ گوگل کو معلوم ہے کہ آپ کتنے بجے کون سی ویڈیو کو کتنی دیر کیلئے دیکھتے ہیں ۔
محفوظ رہتا ہے گوگل اسسٹنٹ کا ڈاٹا
اگر آپ گوگل اسسٹنٹ کا استعمال کرتے ہیں تو اس کا ڈاٹا بھی گوگل کے پاس محفوظ رہتا ہے ۔ گوگل اسسٹنٹ کو آپ جو بھی کمانڈ دیتے ہیں انہیں گوگل سسٹم اپنے پاس سٹور کرتا ہے ۔