نئی دہلی: آرمی چیف کے طور پار تین سال کی مدت مکمل کرنے کے بعد منگل کو رٹائرڈ ہو رہے جنرل بپن راوت نے کہا کہ نازک حالات میں محاذوں پر تعینات فوج بحران کی گھڑی میں ہر کسوٹی پر کھری اتری ہے۔
رٹائرڈ ہونے سے پہلے جنرل راوت نے روایت کے مطابق آج صبح قومی جنگ یادگاری جا کر وطن کی حفاظت میں اپنی جان نچھاور کرنے والے شہیدوں کو خراج عقیدت پیش کیا۔ اس کے بعد انہوں نے ساتھ بلاک واقع لان میں سلامی گارڈ کا معائنہ کیا۔
https://twitter.com/adgpi/status/1211872968806141952
جنرل راوت کو ملک کا پہلا چیف آف ڈیفنس اسٹاف (سی ڈی ایس) مقرر کیا گیا ہے۔ فوج کے سربراہ کے عہدہ سے ریٹائر ہونے کے بعد وہ نئی ذمہ داری سنبھالیں گے۔ سلامی گارڈکے معائنہ کے بعد نامہ نگاروں سے بات چیت میں انہوں نے کہا کہ فوج کے جوان ناقابل رسائی مقامات پر نازک حالات میں محاذوں پر تعینات ہیں اور ان کی ہمت اور بہادری کی وجہ سے ہی فوج بحران کی گھڑی میں ہر کسوٹی پر کھری اتری ہے۔