کولکتہ : بی سی سی آئی صدر سوربھ گانگولی نے کہا کہ ہندوستانی کپتان وراٹ کوہلی دن - رات ٹیسٹ کھیلنے کے خیال سے متفق ہیں  اور نزدیکی مستقبل میں اس کا انعقا دہو سکتا ہے ۔ گانگولی نے ممبئی میں کوہلی سے ملاقات کی تھی ۔ گانگولی نے ایڈن گارڈن میں بنگال کرکٹ یونین ( سی اے بی ) کے ذریعے ان کے اعزاز میں منعقد تقریب سے الگ کہا کہ مجھے کہنا ہوگا کہ وراٹ کوہلی اس کیلئے متفق ہیں ۔

ایسی خبریں ہیں کہ وہ دن - رات ٹیسٹ نہیں کھیلنا چاہتا ہے جو کہ صحیح نہیں ہے ۔ اس لئے ایک بار جب ٹیم کا کپتان اس متفق ہو جاتا ہے تو چیزیں آسان ہو جاتی ہیں ۔ ہم دیکھیں گے کہ اسے کیسے آگے بڑھایا جا سکتا ہے ۔ کھیل کو آگے بڑھانے کی ضرورت ہے ۔

سابق ہندوستانی کپتان نے گلابی گیند سے ٹیسٹ میچ کھیلنے کی وکالت کی ہے ۔ جس سے زیادہ سے زیادہ ناظرین مقابلے کا لطف اٹھانے میدان میں پہنچیں  ۔ گانگولی نے کہا کہ ہم سبھی اس بارے میں خیال کررہے ہیں اور کچھ کچنے کی کوشش کریں گے ۔ میں دن - رات ٹیسٹ کا حمایتی ہوں ۔ مجھے حالانکہ نہیں پتہ کہ ایسا کب ہوگا لیکن جب تک میں اس صورتحال میں اس کیلئے کوششیں جاری رکھوں گا ۔