ممبئی : مشہور بالی وڈ اداکارہ شبانہ اعظمی کل ممبئی - پنے ایکسپریس وے پر کھالاپور کے پاس اپنی گاڑی سے ہوئے سڑک حادثے میں زخمی ہو گئی تھیں۔ابتدائی معلومات کے مطابق، ان کی کار تقریباً 4 بجے پنے شاہراہ پر ایک ٹرک سے ٹکرا گئی۔واقعہ کے وقت انہوں نے سیٹ بیلٹ نہیں لگائی ہوئی تھی۔وہیں ڈرائیور ایئر بیگ کھلنے کی وجہ سے بچ گیا۔اعظمی پنے سے ممبئی کی طرف جا رہی تھیں۔
زخمی اداکاراہ کو گاڑی سے باہر لایا گیا اور فوری طور پر نوی ممبئی کے ایم جی ایم ہسپتال میں داخل کرایا گیا۔جہاں سے انکو بعد میں ممبئی کے کوکلابین ہسپتال میں ریفرکر دیا گیا۔شبانہ کے شوہر جاوید اختر اسی ہائیوی پر دوسری گاڑی میں بیٹھے ہوئے تھے۔اس حادثے میں ایک دیگر نا معلوم خاتون کے بھی شدید طور پر زخمی ہونے کی خبر ہے ۔ جائے حادثہ کی جانچ کے لئے ہائی وے پولیس کی گشتی گاڑی روانہ ہوگئی تھی ۔
پولیس کا کہنا ہے کہ اعظمی کی کار ٹاٹا سفاری کو 38 سالہ املیش یوگیندر کامت چلا رہا تھا۔پولیس کا کہنا ہے کہ ڈرائیور املیش کامت اس وقت غلط سمت سے اوور ٹیک کرنے کی کوشش کر رہا تھا۔ پولیس کا کہنا ہے کہ ہم ڈرائیور کے خلاف ریش ڈرائیونگ اور لاپرواہی کا معاملہ درج کر رہے ہیں۔ ڈرائیور کو کچھ معمولی چوٹیںہیں اور وہ ہوش میں ہے۔ٹرک کے ڈرائیور پانڈورنگ شندے نے بھی ریش ڈرائیونگ کے لئے کار ڈرائیور املیش یوگیندر کامت کے خلاف شکایت درج کرائی ہے۔