ایشیا پیسیفک گروپ ( اے پی جی )نے ہفتہ کو منی لانڈرنگ اور دہشت گردی فنڈنگ پر اپنی رپورٹ جاری کی ہے۔یہ رپورٹ فنانشل ایکشن ٹاسک فورس (ایف اے ٹی ایف )کے سالانہ اجلاس سے ایک ہفتے پہلے جاری کی گئی ہے ۔جس میں پاکستان کی گرے فہرست کی حالت پر فیصلہ ہونا ہے ۔اجلاس میں اس پر بھی فیصلہ ہوگا کہ پاکستان کو بلیک لسٹ کرنیکی سمت میں ٹھوس وجوہات ہیں یا نہیں۔ بتادیں کہ ایشیا پیسیفک گروپ( اے پی جی )فنانشل ایکشن ٹاسک فورس( ایف اے ٹی ایف)کا علاقائی ادارہ ہے۔
اے پی جی کی رپورٹ میں پاکستان ہر محاذ پر م فیل ثابت ہوا ہے۔منی لانڈرنگ اور دہشت گردی فنڈنگ کے خلاف کارروائی کے 10 معیار میں پاکستان 9 میں فیل ثابت ہوا ہے جبکہ ایک میں اس کو درمیانہ مقام حاصل ہوا ہے۔اس بات کا انکشاف اے پی جی کی میوچول اوولیوشن رپورٹ میں ہوا ہے۔اس رپورٹ میں کہا گیا کہ اقوام متحدہ کی سلامتی کونسل ریزولیوشن 1267 کو لاگو کرنے کے لئے صحیح قدم نہیں اٹھائے گئے۔پاکستان حکومت نے دہشت گرد تنظیم لشکر طیبہ، جماعت الدعوة ( جے یو ڈی ) اور فلاح انسانیت فاؤنڈیشن ( ایف آئی ایف )اور اس کے سرغنہ حافظ سعید کے خلاف ٹھوس کارروائی نہیں کی ہے۔
امریکہ، فرانس، جرمنی، انگلینڈ کے دبا ؤکے بعد ایف اے ٹی ایف پاکستان کو جون 2018 سے مشتبہ فہرست میں ڈال چکا ہے۔اے پی جی کی جانب سے پاکستان کے خلاف منفی حقیقت پائے جانے کے بعد اکتوبر 2019 سے اس کو منفی راڈدر پر رکھا جائے گا۔اس کا مطلب ہے کہ پاکستان کے لئے دقتیں اور بڑھیں گی۔وہ مشتبہ فہرست میں رہے گا اور اس کوشاید بلیک لسٹ میں ڈالنے کا عمل کا بھی شروع ہو جائیگا۔
228 صفحے کی اس رپورٹ کی بنیاد پر ہی اگلے ہفتے پاکستان کی ایف اے ٹی ایف درجہ بندی پر فیصلہ ہوگا۔پاکستان زیادہ تر پیرامیٹرز میں فیل اور ناکام پایا گیا ہے، خاص طور پر جب حافظ سعید جیسے عالمی دہشت گردوں کے خلاف کارروائی کرنے کی بات ہو۔رپورٹ میں صاف کہا گیا ہے کہ یو این ایس سی آر 1267 کمیٹی کی رپورٹ میں 2008 میں جماعت الدعوة ( جے یوڈی )اور 2012 میں فلاح انسانیت فاؤنڈیشن (ایف آئی ایف )کا نام شامل ہونے کے باوجود یہ دونوں تنظیم پاکستان میں کھلے عام ریلیاں کرتے ہیں اور فنڈ جٹاتے ہیں۔
پاکستانی میڈیا میں ایسی کئی رپورٹ سامنے آئی ہیں جن میں انسانی امداد اور مدد کے نام پر ایف آئی ایف کو چندہ وصول کرتے دیکھا گیا ہے۔ان تنظیموں کی جانب سے ایمبولینسوں کی خدمات جاری رکھنے پر بھی سوال اٹھائے گئے کہ ان کی فنڈنگ کے خلاف کارگر کارروائی کی گئی ہے یا نہیں۔پیرس میں ہونے والے ایف ا ے ٹی ایف کے اجلاس میں بھارت کا موقف مضبوط رہ سکتا ہے لیکن پاکستان کو بلیک لسٹ کرنے کی اس کی کوشش اتنی آسان نہیں نظر آتی کیونکہ پیپلزبنک آف چائنا کے جیانگمن لیؤ فی الحال ایف اے ٹی ایف کے صدر ہیں۔