سوشل میڈیا پلیٹ فارم ٹک-ٹاک کا کریز آج دنیا کے سر چڑھ کر بول رہا ہے۔عام لوگ ہی نہیں بلکہ سیلیبرٹیز بھی اس کے دیوانے بن گئے ہیں اب اس کڑی میں فیس بک کمپنی کے شریک بانی اور سی ای او مارک زکربرگ بھی شامل ہو گئے ہیں۔ زکربرگ نے بھی ٹک ٹاک پر خفیہ بنا لیا ہے۔

''@finkd'' ہینڈل سے بنا یہ اکاؤنٹ ابھی تک ویریفائی  نہیں ہو پایا ہے لیکن یہ زکربرگ کے باقی سوشل میڈیا کے اکاؤنٹ ٹویٹر کی طرح ہی ہے۔ پوسٹ کئے  بغیراس اکاؤنٹ کے 4,055  فالورز ہیں۔اکاؤنٹ سے ابھی تک ایرآنا گرانڈے اور  سیلینا گومیز سمیت 61 سیلبرٹیز کو فالو کیا گیا ہے۔دراصل، انسٹاگرام اور فیس بک کو ٹک ٹاک  سے بھاری کمپٹیشن مل رہا ہے، شاید اسی لیے فیس بک کے کو-فاؤنڈر نے اپنا خفیہ ٹک ٹاک اکاؤنٹ بنایا ہے۔

بتادیں کہ فی الحال عالمی طور پر ٹک ٹاک کے 80 کروڑ یوزرس ہیں جس سے 20  کروڑ صرف بھارت سے ہیں۔ ٹک ٹاک کی مقبولیت فیس بک کے لئے سر درد  بنی ہوئی ہے۔ اسے ٹکر دینے  کے لئے فیس بک نے پچھلے سال ایک ایپ لاسو (Lasso) ریلیز کیا تھا جو کامیاب نہیں ہو پایا۔