انٹرنیشنل ڈیسک : فیس بک نے کہا کہ جمعرات کو اس سوشل میڈیا ویب سائٹ اور اس سے جڑی دیگر ایپ کو استعمال کرنے میں صارفین کو جو پریشانی آئی تھی اسے دور کردیا گیا ہے ۔ کمپنی کے ترجمان نے ایک بیان میں کہا کہ خدمات اب بحال ہوگئی ہیں ۔ 

کمپنی نے کہا کہ آج دن میں لوگوں کو فیس بک اور اس سے جڑی دیگر کئی ایپ کو استعمال کرن میں دقت پیش آرہی تھیں  جسے اب دور کردیا گیا ہے ، آپ کو ہوئی پریشانی کیلئے  ہمیں افسوس ہے ۔  فیس بک نے کہا کہ 'سینٹرل سافٹ ویئر سسٹم' میں پریشانی کی وجہ سے کئی گھنٹوں کیلئے کنیٹیوٹی سست رہی ۔ کئی صارفین نے ٹویٹر پر اس کو لے کر ناراضگی بھی ظاہر کی تھی ۔ 

'ڈاؤن ڈیکٹر' نے کہا کہ لوگوں کو بین الاقوامی وقت کے مطابق دوپہر ایک بج کر 45 منٹ سے فیس بک کا استعمال کرنے میں پریشانی ہوئی تھی ۔ کچھ صارفین کو Sorry Something Went Wrong کا ایرر ملا تو کچھ کا پیج لوڈ نہیں ہورہا تھا ۔ کئی صارفین نے رپورٹ کی کہ ان کا اکاؤنٹ خود ہی لاگ آؤٹ ہوگیا ۔