نئی دہلی : دہلی ہائی کورٹ نے بدھ کے روز سوشل میڈیا پلیٹ فارم فیس بک ، گوگل ، یو ٹیوب اور ٹویٹر کو یوگ  گورو بابا رامدیو کیخلاف قابل اعتراض ویڈیو کے لنک کو عالمی سطح پر بلاک یا ہٹانے کا حکم دیا ہے ۔  جسٹس پرتیبھا ایم سنگھ نے کہا کہ صرف ہندوستان کے صارفین کیلئے قابل اعتراض چیزوں کو ہٹانے یا بلاک کرنا کافی نہیں ہے ، کیونکہ یہ صارفین کسی دیگر ذریعے سے بھی ان چیزوں کو دیکھ سکتے ہیں ۔ 

عدالت نے کہا کہ سوشل میڈیا پلیٹ فارم کی یہ ذمہ داری ہے کہ وہ ان چیزوں تک لوگوں کی رسائی مشکل ہی نہیں بلکہ پوری طرح روکے ۔ عدالت نے یہ فیصلہ تب دیا جب سوشل میڈیا پلیٹ فارم نے کہا تھا کہ انہیں ان چیزوں کے یو آر ایل کو ہندوستان میں مسدود کرنے پر اعتراض نہیں ہے لیکن وہ عالمی سطح پر ان چیزوں کو ہٹانے کے خلاف ہے ۔