نئی دہلی : ٹیلی ویژن سیٹ اگلے مہینے دس فیصد تک مہنگے ہو سکتے ہیں ۔ اوپن سیل ٹی وی پینل کی زیادہ ترسپلائی چین سے ہوتی ہے لیکن وہاں کورونا وائرس پھیلنے کی وجہ سے ٹی وی کمپونینٹ کا پروڈکشن بند ہے ۔ حالانکہ کچھ فیکٹریوں میں کام شروع ہوا ہے لیکن پوری طاقت سے نہیں ہو رہا ،اس لئے بھارت میں سپلائی گھٹ گئی ہے ۔ ٹی وی کی قیمت میں60فیصد شیئر پینل کا ہوتا ہے ۔
انڈسٹری کے افسران کا کہنا ہے کہ سپلائی اور پروڈکشن کے حالات نارمل ہونے میں کم سے کم تین مہینے لگیں گے ۔ تب تک ٹی وی کی قیمتوں پر اثر پڑے گا ۔ ایس پی پی ایل کے سی ا ی او اونیت سنگھ مارواہ نے بتایا کہ چین سے درآمد گھٹنے کی وجہ سے ٹی وی پینل کی قیمتوں میں 20فیصد تک اضافہ ہو چکا ہے ۔ موجودہ حالت کو دیکھتے ہوئے بھارت میں ٹی وی پروڈکشن میں 30سے 50 فیصد تک گرائوٹ آسکتی ہے ۔ائر انڈیا کے صدر ایرک بریگینجا کا کہنا ہے کہ آنے والے ہفتوں میں فریج اور اے سی بھی مہنگے ہو سکتے ہیں ۔
ڈیپ فریج کی قیمتوں میں پہلے ہی 2.5فیصدکا اضافہ ہو چکا ہے ۔زیادہ تر کمپنیاں فریج اور اے سی کے پمپریشر چین سے ہی منگواتی ہیں۔ٹی وی کے استعمال سے پہلے ان پینل میں اور اسیمبلنگ کی ضرورت نہیں پڑتی لیکن ان پر 15فیصد ایکسائز ڈیوٹی لگتی ہے ۔