لدھیانہ : پہاڑی علاقوں میں برفباری ہونے سے جہاں میدانی علاقوں میں ٹھنڈ بڑھ گئی ہے وہیں کوہرے  اور دھند نے بھی اپنا اثر دکھانا شروع کردیا ہے ۔ ہر سال دھند کی وجہ سے ہونے والے سڑک حادثوں میں کئی لوگوں کو اپنی جان گنوانی پڑتی ہے ۔ دھند کے سیزن میں ڈرائیونگ کے دوران کئی طرح کے احتیاط برتنے کی ضرورت ہے ۔ ورنہ چھوٹی سی لاپروائی کسی بڑے حادثے کا سبب بن سکتی ہے ۔ صبح اور دیر رات کئی بار تو سڑکوں پر 5 میٹر سے بھی کم دکھنا بند ہو جاتا ہے ۔ جس سے ڈرائیونگ کرنا تو دور سوچنا بھی نا ممکن سا لگتا ہے ۔ 

بین الاقوامی روڈ سیفٹی ایکسپرڈ اور قومی شاہراہ سکیورٹی کونسل کے ڈاکٹر کمل جیت سوئی کے مطابق دھند میں ڈرائیونگ کرنے سے پرہیز کرنا چاہئے ۔ ہمارے ملک میں دھند کی وجہ سے ہونے والے سڑک حادثات کے دوران ہر سال قریب 10 ہزار لوگ اپنی جان گنوا بیٹھتے ہیں اور اس سے بھی زیادہ لوگ معذور ہو جاتے ہیں ۔ اس کے ساتھ ہی سرکار ہر سال اربوں روپے کا نقصان بھی اٹھاتی ہے ۔ دھند میں ڈرائیورنگ کے دوران چھوٹی - موٹی لاپروائی کئی پریواروں کیلئے تمام ساری زندگی کا ناسور بن کر رہ جاتی ہے ۔