اسپورٹس ڈیسک:  ہندوستانی کرکٹ ٹیم کے سابق کپتان  مہندر سنگھ دھونی ٹیم کی بہترین  قیادت کرنے کے ساتھ ساتھ اپنے ساتھی ساتھیوں کی حمایت میں کھڑے ہونے کے لئے بھی جانے جاتے ہیں۔ دھونی سے متعلق ایسا ہی ایک قصہ سابق ٹیم انڈیا کے سابق کوچ گیری کسٹرن نے شیئر کیا ہے۔ انہوں نے کہا کہ میں نے دھونی جیسے شخص کو نہیں دیکھا جس نے میرے لئے  ایک ضروری سفر اس لئے منسوخ کر دیا تھا، کیونکہ مجھے اور پیڈی اپٹن اور ایرک سیمنس کو اس میں جانے کی اجازت نہیں تھی۔

کسٹرن  نے یوٹیوب پر ایک ویڈیو شیئر کرتے ہوئے کہا کہ دھونی کی وفاداری انہیں بہت خاص بنا تی ہے اور آج تک انہوں نے  ان  کے جیسا شخص کبھی نہیں دیکھا۔ کسٹرن نے کہا کہ وہ ٹیم کے بارے میں بہت کچھ سوچتے تھے اور ایک رہنما کی حیثیت سے شاندار تھے۔ انہوں نے کہا  کہ ورلڈ کپ سے پہلے پوری ٹیم کو بنگلور کے فلائٹ اسکول جانے کی دعوت دی گئی تھی۔ سکیورٹی کی وجوہات کے سبب  ٹیم کے کوچنگ اسٹاف میں شامل غیر ملکیوں ،  جس میں پیڈی اپٹن اور ایرک سمنس کو  تھے  کو جانے اجازت نہیں تھی۔

انہوںنے کہا کہ  جس دن ٹیم کو جانا تھا ، اسی دن دھونی کو اس کے بارے میں پتہ چلا۔ میں کبھی نہیں بھول سکتا کہ دھونی نے وہ پوری ٹرپ ہی رد کر دی تھی ۔ انہوں نے کہا تھا کہ  ہم تینوں بھی ٹیم کا حصہ ہیں اور ان کا پریوار ہیں، اگر ہمیں اجازت نہیں تو کوئی بھی اس ٹرپ پر نہیں جائے گا ۔