سپورٹس ڈیسک : کرکٹ کے ساتھ ساتھ کاروں اور موٹر سائیکلوں کے شوقین سابق کپتان مہندر سنگھ دھونی  حال ہی میں نسان جونگا گاڑی چلاتے نظر آئے ۔ ہندوستانی فوج کے ذریعے استعمال کی جا چکی یہ گاڑی اب دھونی کی کاروں میں شامل ہوگئی ہے ۔ جونگا کا پورا نام جبل پور آرڈنینس  اینڈ کیرج اسمبلی ہے ۔ 

پنجاب کے ایک شخص سے خریدی جونگا
رپورٹس کے مطابق دھونی نے پنجاب کے ایک شخص  سے یہ گاڑی خریدی ہے اور قریب یہ 20 سال پرانی ہے ۔ جاپانی کار کمپنی نسان کے پلیٹ فارم پی 60 پر تیار کی گئی اس کار کو فوج نے 1999 میں اس کی خریداری بند کردی تھی جس وجہ سے اسے بند کردیا گیا ۔ 
مداحوں نے دھونی اور ان کی نئی گاڑی کے ساتھ کھنچوائی تصویریں

اپنے ہوم ٹاؤن میں اس گاڑی کی رائیڈ کے دوران دھونی اپنے گھر کے پاس والے پٹرول پمپ پر پہنچے تو مداحوں نے انہیں گھیر لیا ۔ اس دوران مداحوں نے ان کے اور ان کی گاڑی کے ساتھ جم کر تصویریں کھنچوائیں  اور آٹو گراف لئے ۔