نئی دہلی : دہلی کے راؤج اوینیو عدالت نے دہلی ودھان سبھا اسمبلی  سپیکر رام نواس گوئل اور ان کے بیٹے سمت گوئل سمیت 5 لوگوں کو 6-6 مہینے کی سزا سنائی گئی ہے ۔ اس کے علاوہ عدالت نے ان سبھی مجرموں پر ایک ایک ہزار روپے کا جرمانہ بھی لگایا ہے ۔ رام نواس گوئل اور دیگر 4 پر بھاجپا لیڈر منیش گھئی کے گھر میں جبراً گھسنے کے الزام میں یہ سزا سنائی گئی ہے ۔ 

یہ معاملہ 6 فروری 2015 کا ہے ، جب یہ سبھی لوگ بھاجپا لیڈر منیش گھئی کے گھر میں گھسے تھے اور ان کے ساتھ مارپیٹ کی تھی ۔ حالانکہ رام نواس گوئل نے عدالت میں دلیل دی تھی کہ انہیں جانکاری ملی تھی کہ بھاجپا لیڈر نے اپنے گھر میں کمبل اور شراب چھپا کر رکھی ہے جو انتخابات سے پہلے غریبوں میں بانٹی جائے گی ۔ 
فیصلے کے مطابق ، رام نواس گوئل اور دیگر 4 پر متاثر کے گھر میں جبراً گھسنے کے معاملے میں سزا ہوئی ہے ۔ جبکہ رام نواس گوئل کے بیٹے سمت گوئل کو متاثر کے گھر میں جبراً گھسنے اور مارپیٹ کرنے کا مجرم پایا گیا ہے ۔