نئی دہلی : ملک میں یکم ستمبر سے نیا موٹر وہیکل ایکٹ لاگو ہونے کے بعد دارالحکومت نئی دہلی میں ٹریفک قوانین کی خلا ف ورزی کو لے کر کاٹے جانے والے چالان کی رقم کا نیا ریکارڈ بنا ہے ۔ روہنی علاقے میں ہی گذشتہ پانچ ستمبر کو قوانین کی خلاف ورزی کر چل رہا ایک راجستھان نمبر کے ایک ٹرک پر 1 لاکھ 41 ہزار کا جرمانہ لگایا گیا تھا ۔ وہیں 12 ستمبر کو ہریانہ نمبر کے ٹرک پر 2 لاکھ 500 روپے کا جرمانہ لگایا گیا ہے ۔ اس جرمانے کی رقم نے دہلی ہی نہیں ملک میں سب سے بڑے جرمانے کا ریکارڈ قائم کیا ہے ۔ 

ان قوانین کی خلاف ورزی کی تھی :
ڈرائیور بغیر لائسنس کے ٹرک چلا رہا تھا ۔ 
ڈرائیور کے پاس رجسٹریشن سرٹیفکیٹ بھی نہیں ملا ۔
ٹرک مالک نے نہیں لے رکھا تھا فٹنیس سرٹیفکیٹ۔
ٹرک کا تھرڈ پارٹی انشورینس بھی نہیں تھا ۔ 
پالیوشن سرٹیفکیٹ اور زیادہ آلودگی بھی ایک وجہ تھی ۔ 
ٹرک اوور لوڈ تھا ۔ 
ٹرک ڈرائیور بیحد خطرناک طریقے سے ڈرائیونگ کررہا تھا ۔ 
جانچ کیلئے روکے جانے کے دوران ڈرائیور نے نہیں کیا تھا پولیس کے حکم پر عمل ۔
یہ چالان قوانین کے تحت دو دن پہلے روہنی ٹریفک پولیس نے ہریانہ نمبر کے ٹرک کا کاٹا تھا ۔ چالان کاٹے جانے کے بعد ٹرک کو ضبط کر اسے رقم جمع کرنے کیلئے روہنی عدالت کے میٹرو پالٹن مجسٹریٹ کو سونپ دیا تھا ۔ جہاں سے 12 ستمبر کو ٹرک کے مالک نے چالان کی پوری رقم جمع کر اپنا ٹرک چھڑا لے گیا ۔