ممبئی : محکمہ موسیات کے افسروں نے جمعہ کے روز بتایا کہ گردابی طوفان 'کیار' کے چلتے اگلے 12 گھنٹوں میں مہاراشٹر کے ساحلی اضلاع رتنا گری اور سندھو درگ میں بیحد شدید باردش ہو سکتی ہے اور ساتھ ہی تیز ہوائیں بھی چل سکتی ہیں ۔ ہندوستانی محکمہ موسیات (آئی ایم ڈی ) کے ممبئی سینٹر کے ذریعے آج دوپہر یہ وارننگ جاری کی گئی ۔
عرب ساگرمیں جمعہ کی شروعات میں ایک گہرا اپھان تیز ہوکر گردابی شکل اختیار کر گیا ہے ۔ محکمہ موسیات کے ایک افسر نے بتایا کہ اگلے 12 گھنٹوں کے دوران 'کیار' ایک طاقتور طوفان کی شکل اختیار کر سکتا ہے جبکہ اگلے 24 گھنٹوں کے دوران اس کے بیحد طاقتور طوفان میں تبدیل ہونے کا اندیشہ ہے ۔
محکمہ موسمیات کی پیشینگوئی ہے کہ اس کے بعد طوفان عمان ساحل کی جانب بڑھے گا ۔ اس کے چلتے سندھو درگ ضلع میں 'بیحد شدید بارش' کے لئے ریڈ الرٹ جاری کیا گیا ہے ۔ اس مطلب یہ ہے کہ یہاں اگلے 24 گھنٹے میں 204.5 ملی میٹر بارش ہو سکتی ہے ۔