کولمبو: سمندری طوفان دِتواہ نے سری لنکا میں شدید تباہی مچائی ہے۔ ڈیزاسٹر مینجمنٹ سینٹر (ڈی ایم سی) کے مطابق مرنے والوں کی تعداد بڑھ کر 123 ہو گئی ہے، جبکہ 130 افراد اب بھی لاپتہ ہیں۔ امدادی اور بچاو کارروائیاں تیزی سے جاری ہیں۔
سب سے زیادہ تباہی کینڈی ضلع میں۔
- کینڈی ضلع: 51 اموات، 67 افراد لاپتہ۔
- بڈولا: 35 اموات، 27 لاپتہ۔
- کیگالے: 9 اموات۔
- ماتلے: 8 اموات۔
- نوارا ایلیا: 6 اموات۔
- امپارہ: 5 اموات۔
3.73 لاکھ لوگ متاثر۔
ڈی ایم سی کے مطابق 3,73,428 لوگ اور 1,02,877 خاندان سیلاب، لینڈ سلائیڈنگ اور تیز ہواو¿ں سے متاثر ہوئے ہیں۔ مہا اویا گھاٹی کے نچلے علاقوں میں رہنے والے لوگوں کو فوراً چوکس رہنے اور محفوظ مقامات پر جانے کی ہدایت دی گئی ہے، کیونکہ علاقے میں انتہائی سنگین سیلاب کا خطرہ برقرار ہے۔
کالا اویا پل پر بڑا حادثہ۔
انوارادھاپورا–پتلوم روڈ پر کالا اویا پل کے قریب سیلاب کے پانی میں تیزی سے اضافہ ہونے پر 60 مسافروں سے بھری ایک بس بہنے لگی۔ تقریباً 40 افراد، جن میں ایک غیر ملکی خاتون بھی شامل تھی، کو محفوظ نکال لیا گیا۔ رات میں بڑھتے ہوئے پانی کی سطح کے باعث بچاو کارروائی روکنی پڑی تھی۔
بھارت بنا سہارا۔
بھارت نے آپریشن ساگر بندھو کے تحت 27 ٹن امدادی سامان سری لنکا بھیجا ہے۔ وزیر خارجہ ایس۔ جے شنکر نے بتایا کہ مزید امداد بھی راستے میں ہے۔
بھارتی این ڈی آر ایف کی دو ٹیمیں (80 اہلکار) سری لنکا پہنچ چکی ہیں اور امدادی و بچاو کارروائیوں میں مصروف ہیں۔