نئی دہلی: کانگرس کے سینئر لیڈر ابھیشیک منو سنگھوی نے برطانوی رکن پارلیمنٹ ڈیبی ابراہم کو بھارت سے واپس بھیجے کو بہت ضروری قرار دیتے ہوئے منگل کو کہا کہ ملک کی خود مختاری پر حملہ کرنے کی ہر کوشش کو ناکام کرنا ہوگا۔ سنگھوی نے ٹویٹ کر کہا، ڈیبی ابراہم کو بھارت کی طرف سے واپس بھیجا جانا واقعی میں ضروری تھا کیونکہ وہ صرف ایک رہنما نہیں، بلکہ پاکستان کی نمائندہ ہیں جو پاک حکومت اور آئی ایس آئی کے ساتھ اپنی قربتوں کے لئے جانی جاتی ہیں۔ بھارت کی خود مختاری پر حملہ کرنے کی ہر کوشش کو ناکام کرنا ہوگا۔
غور طلب ہے کہ جموں کشمیر کے خصوصی درجے کو واپس لینے کے بھارت کے اقدامات کی ناقد رہیں برطانوی ممبر پارلیمنٹ ڈیبی نے پیر کو دعویٰ کیا کہ دہلی ہوائی اڈے پر اترنے کے بعد ان کے پاس جائز ویزا ہونے کے باوجود انہیں بھارت میں داخل نہیں ہونے دیا گیا اور انہیں دبئی بھیج دیا گیا جہاں سے وہ دہلی گئی تھیں۔ لیبر پارٹی کی رہنما ڈیبی کے دعوے کو مسترد کرتے ہوئے مرکزی وزارت داخلہ نے کہا کہ انہیں (پہلے ہی) اطلاع دے دی گئی تھی کہ ان کا ای ویزا منسوخ کر دیا گیا ہے۔