مظفر نگر: اپنے متنازعہ بیانات کو لے کر ہمیشہ سرخیوں میں رہنے والے مظفر نگر کے کھتولی نشست سے ایم ایل اے وکرم سنگھ سینی سے ایک بار پھر بگڑے بول سننے کو ملے ہیں۔ اس بار انہوں نے ملک کے پہلے وزیر اعظم پنڈت جواہر لال نہرو  پر قابل اعتراض تبصرہ کیا ہے۔ 

سینی نے کچھ دنوں پہلے فیس بک پر وزیر اعظم نریندر مودی اور جواہر لال نہرو کو لے کر ایک پوسٹ وائرل کی تھی۔ اس میں انہوں نے نہرو پر غیر مہذب تبصرہ کیا تھا۔ جب صحافیوں نے اس بارے میں ان سے سوال کیا تو انہوں نے کہا کہ ایک خاتون صحافی دیکھ رہی تھی لیکن مودی کی نگاہ تو صرف ملک پر ہے۔ ہمارے وزیر اعظم جی کا دھیان صرف اسی پر ہے کہ ملک کیسے طاقتور بنے، نہرو تو عیاش تھا۔ انگریزوں کے چکر میں ملک کا بنٹوارہ کروادیا۔ پورا خاندان ہی عیاش تھا ان کا تو، راجیو نے شادی اٹلی میں کی۔ ان کا کام ایسا ہی رہا ہے۔ 
بتا دیں اس سے پہلے سینی نے جموں کشمیر سے دفعہ 370 ہٹانے کے طریقہ کار کو ظاہر کرتے ہوئے کہا تھا کہ پارٹی کارکن پر جوش ہیں، کیونکہ اب وہ وہاں گوری گوری لڑکیوں سے شادی کر سکیں گے۔ ودھائیک کے اس بیان کا ویڈیو سوشل میڈیا پر خوب وائرل ہوا تھا۔