مدھیہ پردیش کی دارلحکومت  بھوپال کے ایڈوکیٹ پون کمار یادو نے جہانگرے تھانے میں  مجلس اتحاد المسلمین( اے آئی ایم آئی ایم  )کے سر براہ  اسد الدین اویسی  کے خلاف شکایت درج کرائی ہے ۔وہیں یہ  شکایت اویسی کے خلاف  ایودھیا  معاملے پر اشتعال انگیز تقریر کرنے اور  عدالت عظمیٰ کے خلاف جانے پر ہوئی ہے ۔اسد الدین  اویسی کے خلاف  ملک سے غداری اور خاص مذہب کے لوگوں کو بھڑکانے  کے لئے  ایف آئی آر درج کرنے کی مانگ کی گئی ہے۔
ہندوستان کے سب سے مشہور  ایودھیا معاملے میں تاریخی فیصلہ آنے کے بعد  ملک کی تمام ریاستوں میں دفعہ 144 نافذ کر دی گئی تھی ۔اس کے ساتھ ہی سوشل میڈیا پربھی کسی بھی طرح کی متنازعہ پوسٹ وغیر کرنے پر  پابندی لگائی گئی  تھی ۔ا سکے باوجود سپریم کورٹ کے فیصلے کے بعد اسد الدین اویسی  کا ایک ویڈیو فیس بک پر وائرل ہو رہا ہے  ، جس میں وہ کسی اجلاس میں  کھلے عام عدالت عظمیٰ کے فیصلے کے خلاف  مسلمانوں کو اُکسانے  اور بھڑکانے کے لئے  اشتعال انگیز خطاب کر رہے ہیں۔