واشنگٹن:امریکہ کے سابق صدر بل کلنٹن نے مونیکا لیوینسکی کے ساتھ اپنے تعلقات کو لے کر متعد د خلاصے کئے ہیں۔ڈیلی میل کو دیئے انٹرویو میں انہوں نے کہا کہ میں نے مونیکا کیساتھ افیئر دبائو سے نجات پانے کے لئے کیا تھا۔آپ کو بتا دیں کہ وہائٹ ہائوس کی انٹرن مونیکا لیوینسکی کے ساتھ سکینڈل کی خبروں کی وجہ سے بل کلنٹن کی کافی بد نامی ہوئی تھی ۔بل کلنٹن نے خلاصہ کیا ہے کہ وہ اپنے کام کی وجہ سے کافی دبائو میں رہتے تھے ۔انہوں نے بتایا کہ اس وقت انہیں باکسر کی طرح لگتا تھا جو 30رائونڈ کی باکسنگ کے بعد باہر ہو گیا ہو۔
اس دوران جب میں لیوینسکی کو دیکھتا تھاتو وہ ان کے دل ودماغ کو پرامن بنا دیتی تھی ۔سابق صدر نے بتا یا کہ مونیکا کیساتھ افیئر کی خبریں جب پبلک میں آئی تھیں تو انکی شادی شدہ زندگی میں طوفان آگیا تھا ۔اس کے بعد ہلیری کلنٹن کے ساتھ شادی بچانے کے لئے کائونسلنگ کروانی پڑی تھی ۔ بل کلنٹن نے کہا کہ انہوں نے ایونیکا سے معافی مانگی اور کہا ہے کہ ان کی پوری زندگی کا موازنہ اسی افیئر سے کیا جاتا ہے۔ اتنا ہی نہیں ،اس سکینڈل کے چلتے بل کلنٹن کو سال 1998میں جوابدہی کا بھی سامنا کرنا پڑا تھا۔
مونیکا لیوینسکی نے کہا تھا،آپسی رضامندی سے9بار جنسی تعلقات بنائے تھے
غور طلب ہے کہ مونیکا لیوینسکی سال 1995کے دوران وہائٹ ہائوس میں انٹرن کے طور پر کام کرتی تھی ۔ اسی وقت بل کلنٹن ملک کے صدر تھے ۔ مونیکا اس وقت صرف 22سال کی تھیں جب ان کے اور بل کلنٹن کے درمیان جنسی تعلقات بنے تھے۔ ایک نیوز چینل کو دیئے انٹرویو کے دوران مونیکا نے بتایا تھا کہ 1995سے لے کر 1997تک ان کے اور بل کلنٹن کے درمیان قریب 9بار جنسی تعلقات بنے تھے اور یہ ان دونوں کی آپسی رضامندی کے ساتھ ہوا تھا ۔