بنگلور : چندریان 2 آربیٹر نے چاند کی سطح پر اس جگہ کا پتہ لگا لیا ہے جہاں اس کے لینڈر وکرم نے لینڈ کیا ہے ۔ لینڈر وکرم کے پتہ چلنے کے بعد اسرو کے سائنسدانوں میں اب نئی امید جاتی ہے ۔ بھلے ہی وکرم لینڈر اپنے طے شدہ مقام سے قریب 500 میٹر دور چاند کی زمین پر لینڈ ہوا ہے لیکن اگر اس سے رابطہ قائم ہو جائے تو وہ واپس اپنے پیروں پر کھڑا ہو سکتا ہے ۔ ایسے کے ایک افسر نے کہا کہ چاند کی سطح پر وکرم کی 'ہائی لینڈنگ ' نے دوربارہ رابطہ قائم کرنے کو بھلے ہی مشکل بنا دیا ہے کیونکہ یہ اپنے چار پیروں کے سہارے سے نہیں اترا ہوگا ۔ 

انہوں نے کہا کہ چاند کی سطح سے ٹکرانے کے چلتے لگے جھٹکوں کی وجہ سے لینڈر کو نقصان پہنچا ہوگا ۔ افسروں کے مطابق ایسا لگتا ہے کہ لینڈر چاند کی سطح سے تیزی سے ٹکرایا ہے اور اس وجہ سے وہ پلٹ گیا ہے ۔ اب اس کی صورتحال اوپر کی جانب بتائی جارہی ہے ۔ اب اسرو کے سائنسدان یہ پتہ لگانے کی کوشش کررہے ہیں کہ لینڈر کو کتنا نقصان پہنچا ہے کیونکہ لینڈر وکرم کے اندر ہی رور پرگیان ہے ، جسے سافٹ لینڈر کے بعد چاند کی سطح پر اترنا تھا ۔ دوسری طرف آربیٹر اچھے سے کام کررہا ہے ۔ یعنی اس کے ذریعے لینڈر کی تصویریں آئیں گی جس سے وکرم کی صحیح صورتحال کا پتہ چل سکے گا ۔