اودھمپور:مرکزی حکومت کی ایک سکیم سے  "ہر گھر نل سے جل" جموں و کشمیر کے اودھم پور کے لوگوں میں خوشی کی لہر ہے کیونکہ اس سے  پینے کے پانی کا مسلہ حل ہواہے۔
ہر گھر نل سے  جل" سکیم "جل جیون مشن " کے تحت آتی ہے - اس کا آغاز وزیر اعظم نریندر مودی نے کیا تھا - جس میں حکومت نے وعدہ کیا ہے کہ 2022 تک ہر گھر کو ایک نلکے سے پانی ملے گا۔
پانی کے مسئلے کو حل کرنے کے لئے مشن کے تحت ضلع کے ملہار علاقے میں ایک ریپڈ ریت فلٹریشن پلانٹ (آر ایس ایف پی) کی تعمیر جاری ہے۔  
کمبل ڈنگا کے سرپنچ ، ششی پال نے اے این آئی کو بتایاکہجل شکتی ڈیپارٹمنٹ نے میری پنچایت نیز آس پاس کی پنچایتوں میں بہت سارے منصوبے شروع کردیئے ہیں۔ان منصوبوں سے عام لوگوں کو فائدہ ہوگا۔
انہوں نے یہ بھی کہا کہ پہلے ان علاقوں کی خواتین قدرتی وسائل سے پینے کا پانی لانے کے لئے کئی میل پیدل چلتی تھیں لیکن اب مذکورہ منصوبے کے مکمل ہونے کے  بعد اس مسئلے کو دور کیا جائے گا۔
'انہوں نے مزید کہا کہ جل جیون مشن خاص طور پر دیہی آبادی کے لئے ایک فائدہ مند سکیم ہے۔
جل طاقت شعبہ سب ڈویژن ا ودھم پور کے اسسٹنٹ ایگزیکٹو انجینئر سندیپ گپتا نے بتایا کہ مشن کے تحت پانی کی فراہمی کے   لئے  54سکیموں پر کام جاری ہے ۔"اودھم پور سب ڈویژن میں جل جیون مشن کے تحت پانی کی فراہمی کی 54 سکیمیں جاری ہیں۔ہم حکومت کے طے شدہ ہدف کو بروقت حاصل کرنے کے لئے پرامید ہیں۔
  انہوں نے مزید کہا کہ اس منصوبے کے تحت  بنیادی ڈھانچوں کی  تعمیر اطمینان بخش ہے اور آر ایس ایف پی کے بہت سے منصوبے ضلع میں شروع ہوئے ہیں اس کے علاوہ یہاں 50 سے 60 فیصد منصوبے  مکمل  ہوچکے ہیں۔
ایک تعمیراتی کارکن نے کہا: "تعمیراتی کام مناسب کوویڈ 19 پروٹوکول کے تحت جاری ہے اور ہمارا مقصد اسے  جلد سے جلد مکمل کرنا ہے۔