ممبئی : ممبئی پولیس نے بدھ کے روز بالی وڈ اداکار سلمان خان کے بنگلے کی دیکھ - ریکھ کرنے والے ایک شخص کو گرفتار کرلیا ۔ گذشتہ 20 سال سے سلمان کے بنگلے کی دیکھ ریکھ کر رہا یہ شخص ممبئی پولیس کو مطلوب ہے ۔ ممبئی پولیس گذشتہ 29 سال سے اس کی تلاش کرررہی تھی ۔

 
ذرائع کے مطابق سلمان کے گورائی میں واقع بنگلے سے گرفتار اس شخص کا نام شکتی سدھیشور رانا ہے ۔ 62 سال کے اس شخص کے یہاں کام کرنے کی اطلاع پولیس کو اپنے ایک خفیہ ذرائع سے ملی ۔پولیس کی کرائم برانچ کی یونٹ 4 نے مختر سے اطلاع ملنے پر پورا منصوبہ بنا کر سلمان کے گھر  پر دھاوا بولا ۔ وہیں پولیس کو آتے دیکھ رانا نے بنگلے سے بھاگنے کی کوشش کی لیکن پولیس نے اس وقت گھر کو چاروں طرف سے گھیر لیا تھا ۔ جس کے چلتے  وہ وہاں بھاگ نہیں پایا ۔ 

کیا تھا معاملہ 
پولیس نے بتایا کہ رانا اور اس کے کچھ ساتھیوں کو پولیس نے 1990 کے ایک معاملے میں گرفتار کیا تھا ۔ بعد میں وہ ضمانت پر باہر آگیا اور اس کے بعد سے لگاتار پولیس کو چکما دیتا رہا ۔ جب رانا سماعتوں  پر بھی عدالت نہیں پہنچا تو اس کے خلاف غیر ضمانتی وارنٹ جاری ہوگیا ۔ ران اکے اچانک شہر سے غائب ہو جانے کے بعد بھی پولیس اس کی لگاتار جانکاری حاصل کرتی رہی اور دو دن پہلے ہی رانا کے ایک عالیشان  بنگلے میں موجود ہونے کی جانکاری ملی ۔

 پولیس جب مخبر کی نشاندہی پر موقع پر پہنچی تو اسے پتہ چلا کہ یہ بنگلہ سلمان کا ہے لیکن پولیس کی کرائم برانچ نے بغیر سلمان کو بتائے بنگلے پر چھاپہ مارا اور رانا کو گرفتار کرلیا ۔ پولیس کے مطابق اس معاملے میں سلمان سے بھی پوچھ تاچھ کئے جانے کی تیار ہے تاکہ پتہ چل سکے کہ رانا ان کے رابطے میں کب ، کیسے اور کس کے ذریعے آیا ۔