بگ باس میں اس ہفتے کے آخر کا وار ڈرامائی ہونے کے ساتھ انتہائی جذباتی بھی ہونے والا ہے۔اس بار'بگ باس 13 ویکینڈ کا وار' میں چھپاک کی ٹیم فلم کا پرموشن کرنے پہنچے گی۔دیپکا پادکون، وکرانت مسی اور لکشمی اگروال گھر کے ارکان کے ساتھ کچھ وقت گزاریں گے۔میکرز نے ایپی سوڈ کا ایک پرومو جاری کیا ہے جس میں تمام شرکاء اپنی زندگی سے منسلک کسی نہ کسی برے واقعے کا ذکر سب کے سامنے کرتے نظر آئیں گے۔
لکشمی اگروال کی زندگی کی دل دہلانے والی کہانیاں سن کر شو کی کنٹیسٹیٹس آرتی سنگھ اپنی زندگی کی اس تلخ حقیقت کو بیان کریں گی، جو شاید آج تک ان کے دل میں پوشیدہ تھی۔کرشنا ابھیشیک کی بہن اور گووندا کی بھانجی آرتی سنگھ نے بگ باس کے گھر میں سب سے حیران کن انکشاف کیا۔آرتی نے شو میں بتایا کہ جب وہ 13 سال کی تھیں، تب انہیں گھر میں بند کر کے ان کے ساتھ ریپ کرنے کی کوشش کی گئی تھی۔
وہیں آرتی کے فلم کیریئر کی بات کریں تو 35 سال کی آرتی کرشنا ابھیشیک کی بہن اور گووندا کی بھانجی ہیں۔آرتی نے اپنے ایکٹنگ کیریئر کی شروعات ٹی وی شو' مایا' سے 2007 میں کی تھی۔ اس کے بعد انہوں نے' گرہستی- تھوڑا ہے بس تھوڑے کی ضرورت ہے'میں کام کیا۔