بھارتیہ جنتا پارٹی کے قومی صدر امت شاہ نے جھارکھنڈ اسمبلی انتخابات کے پیش نظر پاکڑ میں جلسے سے خطاب کرتے ہوئے رام مندر کی تعمیر پر بڑا بیان دیا ہے۔امت شاہ نے بھرے جلسہ عام میں باقاعدہ رام مندر کی تعمیر کا وقت بھی بتا دیا۔شاہ نے کہا کہ 4 ماہ کے اندر ایودھیا میں رام مندر بننے جا رہا ہے۔ امت شاہ نے کہا کہ ابھی کچھ وقت پہلے سپریم کورٹ نے ایودھیا کے لئے فیصلہ دی۔ 100  سالوں سے دنیا بھر کے ہندوستانیوں کی مانگ تھی کہ وہاں رام جنم بھومی پر خوبصورت رام مندر بننا چاہئے۔

https://twitter.com/BJP4India/status/1206502238069223424
کانگرس بنی ہوئی تھی رکاوٹ
رام مندر کی تعمیر کے دہائیوں پرانے مطالبہ کا ذکر کرتے ہوئے  مرکزی وزیر داخلہ امت شاہ نے کانگرس پر اس کی تعمیر میں روڑہ اٹکانے کا الزام لگایا اور کہا کہ ہر کوئی رام مندر کی تعمیر چاہتا تھا، لیکن کانگرس اور اس کے وکیل عدالت میںاس کے لئے رکاوٹ بنے ہوئے تھے۔شاہ نے کہاکہ کانگرس کے لیڈر اور وکیل کپل سبل کورٹ میں کہتے تھے کہ اب کیس مت چلائیے ، کیوں بھائی آپ کے پیٹ میں کیوں درد ہو رہا ہے؟

https://twitter.com/BJP4India/status/1206502235670114304
کانگرس عوام کے جذبات کا احترام نہیں کر سکتی
شاہ نے کہاکہ 'سپریم کورٹ کا فیصلہ آ گیا ہے، 4 ماہ کے اندر فلک بوس آسمان چھوتا  بھگوان رام کا مندر ایودھیا میں بننے جا رہا ہے۔ رام مندر سمیت دوسرے تمام مسائل پر گھیرتے ہوئے امت شاہ نے کہا کہ کانگرس نہ ترقی کر سکتی ہے، نہ ملک کو محفوظ کر سکتی ہے اور نہ ملک کے عوام کے جذبات کا احترام کر سکتی ہے۔