نیشنل ڈیسک : راجیہ سبھا میں منگل کے روز سپیشل پروٹیکشن گروپ ( ایس پی جی ) ترمیمی بل پر چرہ  ہوئی ۔ اس دوران وزیر داخلہ امت شاہ نے کہا کہ ملک میں صرف گاندھی پریوار کی ایس پی جی سکیورٹی نہیں ہٹائی گئی ۔ چندر شیکھر جی ، وی پی سنگھ جی ، نر سمہا راؤ جی ، آئی کے گجرال جی اور منموہن سنگھ جی کی سکیورٹی کو بھی بدل کر زیڈ پلس کیا گیا ہے  ، لیکن کانگرس نے کوئی ناراضگی نہیں دکھائی ۔ 

وزیر داخلہ نے کہا کہ کچھ لوگوں کا کہنا ہے کہ اس بل کو گاندھی پریوار کو زیر غور رکھ کر لایا گیا ہے ۔ میں بتانا چاہتا ہوں کہ ایسا نہیں ہے ۔ ایس پی جی صرف وزیر اعظم کی سکیورٹی کیلئے نہین ہوتی بلکہ ان کی صحت ، دفتر اور دیگر چیزوں کی دیکھ بھال بھی کرتی ہے ۔ اب جو لوگ وزیر اعظم نہیں ہیں ان کو اب بھی وزیر اعظم والی سکیورٹی چاہئے ، ایسا نہیں ہوتا ہے ۔ 

امت شاہ نے کہا کہ سابق وزیر اعظم منموہن سنگھ جی کی بھی ایس پی جی سکیورٹی ہٹا لی گئی لیکن اس کو لے کر کانگرس میں اس طرح کا غصہ دیکھنے کو نہیں ملا جو گاندھی پریوار کی سکیورٹی ہٹانے پر دیکھنے کو ملا ۔ گاندھی پریوار سمیت اس ملک کے 130 کروڑ لوگوں کی سکیورٹی کی ذمہ داری ہماری ۔  انہوں نے کہا کہ جو الزام لگ رہے ہیں وہ ایس پی جی (ترمیمی ) بل کا ایک سیاسی بدلہ ہے جبکہ ایسا نہیں ہے ۔ اس بل سے اگر کسی کا نقصان ہوگا تو وزیر اعظم نریندر مودی کا ہوگا کیونکہ 5 سال بعد تو ان کو بھی ایس پی جی سکیورٹی نہیں ملے گی ۔ 

بتا دیں کہ ایس پی جی ترمیمی بل لوک سبھا میں پاس ہو چکا ہے لیکن ایوان بالا (راجیہ سبھا) میں پاس ہونا باقی ہے ۔ مرکزی حکومت نے ایس پی جی بل میں تبدیلی کیا ہے ، جس کو لے کر بل لایا گیا ہے ۔ کانگرس پارٹی اس بل میں تبدیلی کی مخالفت کررہی ہے ، جس کو لے کر ایوان میں کافی ہنگامہ کیا گیا تھا ۔ بل کو پیش کرتے ہوئے امت شاہ نے اعلان کیا تھا کہ نئے بل کے تحت ایس پی سکیورٹی صرف وزیر اعظم تک ہی محدود رہے گی ۔ یہ سکیورٹی وزیر اعظم کے علاوہ عہدے سے ہٹنے کے بعد سابق وزیر اعظم کے پاس پانچ سال تک رہے گی اس دوران وزیر اعظم کے پریوار کو بھی یہ سکیورٹی ملے گی ۔