نیشنل ڈیسک : مہاراشٹر کی سیاست میں سب سے اہم کردار ادا کرنے والے نیشنلست کانگرس پارٹی ( این سی پی ) کے سینئر لیڈر سابق نائب وزیر اعلیٰ اجیت پوار ایک بار پھر بڑا الٹ پھیر کرنے کی تیاری میں دکھ رہے ہیں ۔ دراصل اسمبلی میں ادھو حکومت فلور ٹیسٹ سے پہلے  پوار نے ناندیڑ سے بھاجپا  ایم پی پرتاپ راؤ سے ملاقات کی ، جسے لے کر سیاسی بازار گرم ہوگیا ہے ۔ 

اجیت نے ممبئی واقع اپنی رہائش گاہ پر بھاجپا ایم سے ملاقات کی ۔ یہ وہی ہیں ، جنہوں نے لوک سبھا انتخابات میں کانگرسی سینئر لیڈر  اشوک چواہن کو ان کے گڑھ میں شکست دی تھی ۔ حالانکہ اس ملاقات کے بعد پوار نے کہا کہ ایک خیر سگالی  تحفہ تھا ۔ سیاست میں ایسی ملاقاتیں ہوتی رہتی ہیں ۔ مجھ سے کئی جماعتوں کے لیڈر ملتے ہیں ۔ 
این سی پی لیڈر نے نائب وزیر اعلیٰ کے عہدے پر بھی اپنا رد عمل دیتے ہوئے کہا کہ جماعت انہیں جو ذمہ داری سونپے گی  وہ اسے ایمانداری سے نبھائیں گے ۔ انہوں نے کہا کہ یہ واضح ہے کہ سنجے راؤت نے 170 کا جو آنکڑہ بتایا ہے وہاں تک ہم لوگ ضرور پہنچیں گے ۔