نیشنل ڈیسک: کانگرس کے یوم تاسیس پر آسام کے گواہاٹی میں منعقد ایک اجلاس سے خطاب کرتے ہوئے کانگرس نیتا راہل گاندھی نے مرکزی اور یاستی حکومت پر جم کر نشانہ سادھا ۔ انہوں نے کہا کہ مرکز اور آسام کی بھاجپا حکومتوں کی پالیسیوں کی وجہ سے آسام تشدد کی راہ پر لوٹ سکتا ہے ۔ ساتھ ہی انہوں نے کہا کہ آسام کو آر ایس ایس کی چڈی والے نہیں چلائیں گے، یہاں کی عوام چلائے گی ۔ مسٹر گاندھی نے اجلاس کو خطاب کر تے ہوئے کہا کہ ریاست میں امن قائم کرنے والے آسام معاہدے کو برباد نہیں کیا جانا چاہئے۔
انہوںنے شہریت ترمیمی قانون کا حوالہ دیتے ہوئے کہا ، مجھے ڈر ہے کہ آسام بھاجپا کی پالیسیوں کی وجہ سے تشدد کے راستے پر نہ لوٹ آئے ۔بھاجپا ہماری ثقافت و تہذیب پر حملہ کر رہی ہے ۔ بھاجپا اور آر ایس ایس کو آسام کی ثقافت وتہذیب ،زبان اور پہچان پر حملہ نہیں کرنے دیا جائے گا ۔انہوں نے کہا کہ سبھی کو ساتھ آنا ہوگا اور بھاجپا نیتاؤں کو بتانا ہوگا کہ وہ ریاست کی ثقافت ،پہچان اور تایخ پر حملہ نہیں کر سکتے ہیں۔
انہوں نے کہا کہ وزیر اعظم مودی کا کام نفرت پھیلانے والا اور ملک کو تقسیم کرنے والا ہے ۔ساتھ ہی انہوں نے کہاکہ آسام کو ناگپور نہیںچلائے گا، آسام کو آر ایس ایس کی چڈی والے نہیں چلائیں گے۔ آسام کو آسام کوعوام چلائے گی۔