نیشنل ڈیسک: سابق ججوں، سابق بیوروکریٹس، مسلح افواج کے سابق  افسران اور ماہرین تعلیم سمیت 154  معززشہریوں نے پیر کو کہا کہ شہریت  ترمیمی قانون ( سی اے اے ) این آر سی اور این پی آر کے خلاف قوم کو نقصان پہنچانے کے لئے ناپاک سازش کے تحت’ جھوٹی اور ذاتی   مفاد والی‘ مہم چلائی جا رہی ہے۔ انہوں نے ان  شہریوں نے مرکزی حکومت سے مکمل سنجیدگی سے ان مظاہروں پر غور کرنے اور ملک کے جمہوری اداروں کو بچانے کی درخواست کی۔ ساتھ میں اس طرح کی مہم  کے پیچھے ہونے والے  لوگوں کے خلاف کارروائی کا مطالبہ کیا۔

ان شہریوں میں مختلف اعلیٰ عدالتوں کے 11 سابق جج، 24 ریٹائرڈ آئی اے ایس افسر، ہندوستانی خارجہ سروس کے 11 سابق  افسر، بھارتی پولیس سروس کے 16 ریٹائرڈ افسران، 18 سابق لیفٹیننٹ جنرل شامل ہیں۔ انہوں نے کہا کہ پورے بھارت میں ’خوف‘ پھیلایا جا رہا ہے،جو  خود غرضی سے بھر ا ہوا ہے اور قوم کو نقصان پہنچانے کی ناپاک سازش لگتی ہے۔ انہوں نے کہا کہ مہم منصوبہ بند  طریقے سے چلائی جا رہی ہے ، جس سے پر تشدد مظاہرے ہوئے ہیں اور سرکاری اور نجی املاک کو تباہ کیا گیا ہے۔
شہریوں نے کہا کہ شہریت ترمیمی قانون ،این پی آر اور این پی آر کو لے کرجھوٹ اور نفرت پھیلائی گئی ہے ۔انہوں نے کہا کہ سی اے اے  بنا دیا گیا ہے جبکہ این آر سی اور اور این پی آر آزادی ملنے کے بعد ہی بحث کا ایسا مسئلہ رہا ہے جسے لاگو کیا جانا ہے۔

شہریوں نے کہا کہ ’اس  کے ( مظاہروں)کے سنگین سیکورٹی مضمرات ہیں اور یہ ہمارے وطن کے لئے اچھا اشارہ نہیں ہے۔ انہوں نے کہا کہ  ان مظاہروں میں،  حکومت  ہند کی پالیسیوں کی واضح طور پر مخالفت کی جا رہی ہیں جبکہ ان کا ارادہ اس ملک کے تانے بانے کو تباہ کرنا اور ملک کے اتحاد اور سالمیت کو نقصان پہنچانا ہے۔ انہوں نے دعویٰ کیا کہ انہیں لگتا ہے کہ پیدا کی جا رہی رکاوٹ کی  باہری  جہتیں بھی ہیں۔