امریکہ کے وزیر خارجہ مائیک پامپیو نے نسلی اور مذہبی اقلیتوں کے خلاف انسانی حقوق کی خلاف ورزی کو لے کر چین پر نشانہ سادھتے ہوئے کہا کہ وہ حال میں سب سے خراب انسانی حقوق ریکارڈ رکھنے والے ممالک میں سے ایک ہے۔ 
مذہبی آزادی  پر مختلف ممالک کے وزراء کے ایک اجلاس میں پومپیو نے اپنے خطاب میں کہا کہ سب سے چونکانے والی بات یہ ہے کہ ورلڈ کی 83 فیصد آبادی ان ممالک میں رہتی ہے جہاں مذہبی آزادی خطرے میں ہے یا لوگوں کو اس سے پوری طرح محروم کیا جاتا ہے۔ 
وزیر خارجہ نے مذہبی آزادی کی خلاف ورزی کو لے کر کئی ممالک کا نام لیا لیکن چین کا خاص طور سے ذکر کیا۔ انہوں نے کہا کہ اپریل 2017 سے چین نے شنجیانگ میں دس لاکھ سے زیادہ مسلمانوں اور دیگر اقلیتی طبقوں کو کیمپوں میں ڈال رکھا ہے۔ انہوں نے کہا کہ چین ہمارے وقت میں سب سے خراب انسانی حقوق ریکارڈ والے ممالک میں سے ایک ہے  اور یہ واقعی اس صدی پر ایک دھبہ ہے۔