اسلام آباد: پاکستان تحریک انصاف(پی ٹی آئی)پارٹی نے جمعہ کے روز کہا ہے کہ اسلام آباد انتظامیہ نے سابق وزیراعظم عمران خان کے ہیلی کاپٹر کو شہباز شریف حکومت کے خلاف احتجاجی ریلی سے خطاب کے لیے ہفتہ کو راولپنڈی کے پریڈ گراؤنڈ میں اترنے کی اجازت دینے سے انکار کر دیا ہے۔  خان کا  26 نومبر کو راولپنڈی میں اپنے حامیوں سے خطاب کرنے کا پروگرام ہے ۔ انہوں نے کہا ہے کہ راولپنڈی میں ان کی پارٹی کا احتجاج "مکمل طور پر پرامن ہوگا۔ پی ٹی آئی رہنما اسد عمر نے ٹوئٹر پر کہا کہ اسلام آباد انتظامیہ نے پارٹی صدر کے ہیلی کاپٹر کو ہفتے کو پریڈ گراؤنڈ میں اترنے کی اجازت دینے سے انکار کر دیا ہے۔
پی ٹی آئی کی سینئر نائب صدر شیریں مزاری نے بھی خان کے ہیلی کاپٹر کو پریڈ گراؤ نڈ پر اترنے کی اجازت نہ دینے پر اسلام آباد انتظامیہ پر خوب تنقید کی۔ انہوں نے  اسلام آبا دارالحکومت خطے  آئی سی ٹی )انتظامیہ کے فیصلے پر رد عمل دہتے ہوئے ٹویٹ کیا کہ سازش کرنے والوں کے من میں  عمران خان کا ڈر گھس گیا ہے ۔  اس ہفتے کی شروعات میں پی ٹی آئی نے ہائی کورٹ (IHC) میں درخواست دائر کی تھی کہ خان کے ہیلی کاپٹر کو پریڈ گراؤنڈ میں اترنے اور اتارنے کی اجازت دی جائے۔ پاک فوج نے کہا ہے کہ اسے پی ٹی آئی کی جانب سے خان کے ہیلی کاپٹر کو اترنے کی اجازت دینے کی درخواست پر کوئی اعتراض نہیں ہے۔
پاکستانی فوج کے ہیڈ کوارٹرز کی طرف سے جاری کردہ ایک بیان کا حوالہ دیتے ہوئے، ڈان اخبار نے اپنی رپورٹ میں کہا کہ آرمی ہیڈ کوارٹرز کو حکام کی منظوری سے مشروط ہیلی کاپٹر کو لینڈ کرنے کی درخواست پر کوئی اعتراض نہیں ہے۔ غور طلب ہے کہ کہ خان (70) اپنے قافلے پر حملے میں بال بال بچ گئے۔ 3 نومبر کو جب وہ مشرقی شہر وزیر آباد میں ایک احتجاجی مارچ نکال رہے تھے۔ یہ حملہ اس وقت ہوا جب خان ایک مارچ کی قیادت کر رہے تھے جس کا اختتام دارالحکومت اسلام آباد میں ہونا تھا۔