انٹرنیشنل ڈیسک:  فلوریڈا کے ساحل  سے دور خلیج میکسیکو میں ہفتے کی رات  ایک نجی طیارہ گر کر تباہ ہونے سے دو افراد ہلاک اور ایک لاپتہ ہو گیا۔ انتظامیہ طیارے میں سوار تیسرے لاپتہ شخص کی تلاش کر رہی ہے۔ پولیس نے یہ اطلاع دی۔ فیڈرل ایوی ایشن ایڈمنسٹریشن کی طرف سے وینس میونسپل ایئرپورٹ پر ایک ہوائی جہاز (انجن پائپر چیروکی)کا سگنل نہ  ملنے پر  پوچھ تاچھ کی۔ وینس، فلوریڈا میں حکام نے اتوار کی صبح 10 بجے کے بعد تلاش شروع کی۔
یہ طیارہ فلوریڈا کے سینٹ پیٹرزبرگ میں واقع اپنے اصل ہوائی اڈے پر واپس نہیں آیا۔ وینس شہر کی ترجمان لورین اینڈرسن نے کہا کہ اسی وقت، کچھ لوگوں کو وینس بیچ سے 2.5 میل (4 کلومیٹر)مغرب میں ایک عورت کی لاش تیرتی ہوئی ملی۔ اینڈرسن  نے کہا کہ سارسوٹا کاؤ نٹی شیرف کے دفتر کے غوطہ خوروں نے دوپہر 2 بجے کے قریب وینس ہوائی اڈے کے مغرب میں ایک میل کے فاصلے پر چارٹرڈ طیارے کا ملبہ تلاش کیا۔ انہوں نے کہا کہ امدادی کارکنوں کو طیارے میں ایک مردہ لڑکی کی لاش ملی۔ تیسرا شخص، جو یا تو پائلٹ تھا یا مسافر، اتوار سے لاپتہ ہے۔